Um LIND Scandinavia
LIND Scandinavia er vefverslun sem býður meðal annars upp á veggspjöld í skandinavískum stíl með íslenskum orðskýringum, tilvitnunum og merkingum íslenskra nafna. Hugmyndin er að varðveita íslenskt tungumál og um leið ylja þeim sem þér þykir vænt um með fallegum orðum.
Umhverfisvottuð prentun
Veggspjöldin eru prentuð í íslenskri umhverfisvottaðari prentsmiðju, ásamt því að við leggjum áherslu á umhverfisvænar umbúðir. Við hvetjum viðskiptavini okkar til að endurvinna umbúðirnar.
Sagan á bakvið LIND Scandinavia
"Hugmyndin af veggspjöldunum kom til þegar ég var að velta fyrir mér jólagjöfum fyrir fjölskyldu mína. Textarnir á veggspjöldunum eru því upprunalega til þeirra sem mér þykir mest vænt um, mömmu, pabba, ömmu, afa og systur minnar. Veggspjöldin koma þeirri væntumþykju sem við berum til okkar nánustu í orð, og er því einstök gjöf til þeirra sem þér þykir vænt um." - Aníta Lind Róbertsdóttir stofnandi og eigandi LIND Scandinavia.
